Ռուսաստանն անօրինական է համարել Հյուսիսային Կորեայի դեմ ԱՄՆ-ի սահմանած նոր պատժամիջոցները
ՌԴ ԱԳ նախարարության խոսնակն ասել է .«Փխենյանի դեմ Վաշինգտոնի սահմանած նոր պատժամիջոցներն անօրինական են»: Այս մասին հաղորդել է ԻՏԱՌ ՏԱՍՍ-ը:
Մարիա Զախարովան չորեքշաբթի օրը նշել է.«Կորեական թերակղզու իրավիճակի հետ կապված նոր պատժամիջոցների կիրառումը, որը ՄԱԿ-ի Անվտանգության խորհրդի շրջանակում չէ, Ռուսաստանի տեսակետից անօրինական է»:
Ողջունելով երկու Կորեաների միջև բանակցությունների դրական գործընթացը, Զախարովան լավատեսություն է հայտնել Փխենյանում Հարավային Կորեայի և Հյուսիսային Կորեայի միջև ձեռք բերված պայմանավորվածությունների իրագործման կապակցությամբ:
Զախարովան հույս է հայտնել, որ երկու կորեաների միջև ձեռք բերված համաձայնությունը կնպաստի Կորեական թերակղզում տիրող լարվածության թուլացմանը, ինչը կօգնի հատկապես Կորեայի և ԱՄՆ-ի միջև ուղղակի բանակցության մեկնարկին և հյուսիս-արևելյան Ասիայում կայուն անվտանգության մեխանիզմների ստեղծմանը:
