Բելգիայի ԱԳ նախարար. «ԵՄ-ը պետք է ապացուցի, որ կարող է իրագործել ՀԳՀԾ-ն»
Բելգիայի ԱԳ նախարարը Համատեղ գործողությունների համապարփակ ծրագիրը համաշխարհային համաձայնություն է որակել և ասել է. «Եվրամիությունը պետք է ապացուցի, որ կարող է իրագործել այն»:
Երկուշաբթի օրը Եվրամիության ԱԳ նախարարների նիստի մեկնարկից առաջ Դիդիե Ռենդերզը նշել է. «Իրանի և 5+1 խմբի միջև միջուկային համաձայնությունը չափազանց թափանցիկ է և համարվում է Եվրամիության և միջազգային հանրության հանձնառությունը»:
«ԵՄ-ը ոչ միայն համագործակցելու է Իրանի Կենտրոնական և Ներդրումային բանկերի նման խոշոր կազմակերպությունների հետ, այլև փորձելու է մանր, միջին ու խոշոր ձեռնարկատերերին խրախուսել ներկա լինել իրանական շուկայում». ավելացրել է Բելգիայի ԱԳ նախարարը:
Ֆինլանդիայի ԱԳ նախարար Տիմո Սոինին ևս չափազանց կարևոր է որակել Իրանի մասին այսօրվա բանակցություններն, ասելով. «Մեզ անհրաժեշտ են ընդհանուր հարթակներ և համաձայնեցված որոշումներ»:
