Twitter-ը Իսրայելի օգտին Դիմադրության ճակատի դեմ քայլ է արել
Twitter սոցիալական ցանցը Սիոնիստական ռեժիմի խնդրանքով փակել է Պաղեստինի իսլամական դիմադրության շարժման՝ ՀԱՄԱՍ-ի և Լիբանանի Հեզբոլլահի առաջնորդների էջերը:
Սիոնիստական ռեժիմի ներքին անվտանգության նախարար Գիլադ Էրդանը երեքշաբթի օրը խոստովանել է, որ Twitter -ի տնօրեններին անունների ցանկ է ուղարկել և պահանջել է փակել ՀԱՄԱՍ շարժման և Լիբանանի Հեզբոլլահի 40 ավագ անդամների էջերը:
Խոստովանելով, որ Սիոնիստական ռեժիմը վախենում է Դիմադրության ուժերի այրող օդապարուկներից, Էրդանը Twitter -ի իր էջում գրել է.«Այն դեպքում, երբ այրող օդապարուկները ուղարկվում են բռնագրաված տարածքների ուղղությամբ և Հեզբոլլահը հյուսիսից սպառնում է Իսրայելին, պետք է փակվեն այդ երկու շարժումներին պատկանող թուիթերյան էջերը»:
Facebook-ը ևս 2018 թ.-ի սկզբին փակեց հարյուր պաղեստինցի ակտիվիստներին պատկանող էջերը: Իսկ դրանից ամիսներ առաջ փակել էր 200 պաղեստինցիների էջերը՝ Սիոնիստական ռեժիմի դեմ քայլեր անելու մեղադրանքով: