Ռուսաստանն ու Արաբիան դեմ են արտահայտվել նավթի արտադրաչափի բարձրացմանը
Արաբիան ու Ռուսաստանը բացառել են նավթի արտադրաչափի ցանկացած հապճեպ հավելումը և գործնականում մերժել նավթի արտադրաչափը բարձրացնելու ԱՄՆ նախագահ Դոնալդ Թրամփի առաջարկը:
Համաձայն «Ռոյտերզ»-ի հաղորդման, Արաբիայի էներգետիկայի նախարար Խալեդ Ալ-Ֆալահը կիրակի օրը Ալժիրում ՕՊԵԿ-ի անդամ և ոչ-անդամ երկրների արտադրաչափի կրճատման համաշխարհային համաձայնության վերահսկման նախարարական կոմիտեի նիստին առընթեր հայտարարել է. «Արաբիան չի ազդելու նավթի գների վրա»:
«Արաբիան նավթի արտադրաչափը բարձրացնելու հնարավորություն ունի, սակայն այս պահին դրա անհրաժեշտությունը չի տեսնում»,-հայտարարել է Արաբիայի նավթի նախարարը:
Իսկ Ռուսաստանի էներգետիկայի նախարար Ալեքսանդր Նովակն ասել է. «Նավթի արտադրաչափի շտապ հավելման կարիք չի զգացվում»:
«Չինաստանի ու ԱՄՆ-ի միջև առևտրական պատերազմը և Իրանի դեմ ԱՄՆ-ի պատժամիջոցները նոր մարտահրավերներ են առաջացնելու նավթի շուկայի համար»,-նշել է Ռուսաստանի էներգետիկայի նախարարը:
