Եվրոպան անցած շաբաթվա ընթացքում
Սեպտեմբեր 12, 2016 20:58 Asia/Yerevan
Ողջույն Ձեզ թանկագին բարեկամներ: «Եվրոպան անցած շաբաթվա ընթացքում» հաղորդաշարի հերթական համարը հատկացված է լինելու Եվրոպայի անցած շաբաթվա կարևոր իրադարձությունների քննարկմանը, որոնցից առանձնացվում ին եվրոպական բանակի ձևավորման հարցի լրջացումը, փախստականների հարցի շուրջ տարաձայնությունների շարունակվելը, ԵՄ-ի շրջանակներից դուրս առևտրական կապեր հաստատելու Բրիտանիայի ջանքերի կապակցությամբ հակազդեցությունը և ԵՄ-ի ֆինանսների նախարարների նստաշրջանը:
Ֆրանսիայի պաշտպանության նախարարությունն անցած շաբաթ հայտարարեց, որ Փարիզն ու Բեռլինը պատրաստվում են համատեղ առաջարկներով հանդես գալ առավել ակտիվ ու գործունյա եվրոպական պաշտպանական քաղաքականության շուրջ:
Ֆրանսիայի պաշտպանության նախարարությունն անցած ուրբաթ օրը հայտարարեց, որ այս փաստաթուղթը քննարկվում է Ֆրանսիայի պաշտպանության նախարար Ժան Իվ Լոդերիանի և Գերմանիայի պաշտպանության նախարար Օրսուելա Վան Դեր Լինի միջոցով և հիմք է ծառայելու Եվրոպայի պաշտպանական քաղաքականության վերատեսության համար:
Այդ փաստաթուղթը ներկայացվել է Եվրոպայի անվտանգության մակարդակի և պաշտպանական մեխանիզմների ընդլայնման նախագծերի քննարկման համար նախատեսված ԵՄ-ի նստաշրջանի սեմին:
Փաստաթղթի մշակման նպատակն է առանց ազգային պաշտպանական կառույցների փոխարինման Եվրոպայի պաշտպանական դերակատարության ակտիվացումը և դրա համաձայն Եվրոպայում պաշտպանական ազգային կառույցները կշարունակեն իրենց աշխատանքը:
Ֆրանսիայի պաշտպանության նախարարության մի պաշտոնատար ընդգծել է, որ Փարիզն ու Բեռլինն իրականում ձգտում են Եվրոպայում գործողությունների իրականացման հեշտացմանը:
Ֆրանսիայի ու Գերմանիայի առաջարկած նախագիծը նախատեսում է Եվրոպայի պաշտպանական գրասենյակների տեղադրումը, արբանյակային հետախուզական ու վերահսկողական համակարգի գործարկումը և լոգիստիկական ու ռազմական հնարավորությունների փոխանակումը:
Եվրոպական միավորված բանակ ձևավորելու գաղափարը ներկայացվել է տարիներ առաջ և Ֆրանսիան ու Գերմանիան համատեղ բրիգադ ստեղծելով այդ կապակցությամբ առաջին քայլը վերցրին:
Վերջին տարիներին Բրիտանիան եվրոպական միավորված բանակի ստեղծման գլխավոր ընդդիմադիրներից է եղել և դա ՆԱՏՕ-ի հետ զուգահեռ կառույց համարելով դրա ստեղծումը ֆինանսական ու մարդկային ռեսուրսի վատնում է բնութագրել:
---
Անցած շաբաթ Սլովակիայի մայրաքաղաք Բրատիսլավայում գումարվեց Եվրոգոտու ֆինանսների նախարարների երկօրյա նստաշրջանը: Նստաշրջանի առաջին օրվա օրակարգը տնտեսական բարեփոխումների ուղղությամբ ստանձնած պարտավորությունների լիարժեք գործադրման հարցում Հունաստանի անկարողության, ինչպես նաև այդ երկրին ֆինանսական օժանդակություններ տրամադրելու կամ չտրամադրելու հարցերի քննարկումն էր: Նստաշրջանում նաև քննարկվեց Իսպանիայի ու Պորտուգալիայի բյուջեների մեծ դեֆիցիտի հարցը: Եվրոգոտու ֆինանսների նախարարները շաբաթ օրվանից վերսկսեցին հարկային հարցերում թափանցիկության, տարածաշրջանային ներդրումների ու նաև ֆինանսական օրենքների շուրջ քննարկումները:
Եվրոգոտու ֆինանսական բարձրաստիճան պաշտոնատարներին մտահոգող գլխավոր թեմաներից է համարվում Հունաստանի ֆինանսական ճգնաժամը և այդ երկրին 86 միլիարդ եվրո ֆինանսական օժանդակության դիմաց տնտեսական կոշտ քաղաքականությունների գործադրման համար միջազգային Եռյակի՝ ԵՄ-ի, Եվրոպայի կենտրոնական բանկի ու Արժույթի միջազգային հիմնադրամի դրած պահանջն է: Տնտեսական ճգնության քաղաքականությունը Հունաստանում հանգեցրել է տնտեսական ճգնաժամի սրման:
Բյուջեի համար ԵՄ-ի կողմից սահմանված չափերը Իսպանիայի ու Պորտուգալիայի միջոցով չհարգվելը նույնպես հանգեցրել է ԵՄ-ի խիստ հակազդեցության: Եվրահանձնաժողովը 2016 թվականի հուլիսին նամակ հղելով ԵՄ-ի ղեկավարներին պահանջեց առկախել Պորտուգալիայի ու Իսպանիայի ենթակառույցներին տրամադրվող ֆինանսական օժանդակությունները: Դա առաջին անգամ էր, որ Եվրահանձնաժողովը պահանջում էր ֆինանսական պատժամիջոցներ սահմանել հարավային Եվրոպայի երկրների դեմ:
Եվրոգոտու ֆինանսների նախարարները Իսպանիայից ու Պորտուգալիայից պահանջեցին ինչքան շուտ իրենց բյուջե դեֆիցիտը իջեցնել ԵՄ-ի կողից սահմանված ՀՆԱ-ի 3 տոկոսին:
Հարկերի վճարումից հրաժարվելու տարածման պատճառով ֆինանսական թափանցիկությունն էլ Եվրոգոտու մտահոգություններից է: Շատ դրամատերերի ու բազմազգյան ընկերությունների հարկեր վճարելուց փախչելն այսօր եվրոպական երկրներին հուզող գլխավոր հարցերից է համարվում:
---
«Հյուսիսատլանտյան դաշինքը նոր սառը պատերազմի չի ձգտում». ՆԱՏՕ-ի գլխավոր քարտուղար Յենս Ստոլտենբերգն այս մասին հայտարարեց այսօր` Թբիլիսիի խորհրդարանական գրադարանում, Վրաստանի մի շարք համալսարանների ուսանողների հետ հանդիպման ժամանակ: Այդ կապակցությամբ մանրամասներ է հաղորդում Գևորգ Ստամբոլցյանը:
---
ԵՄ-ն լքելուց հետո այլ երկրների հետ ազատ առևտրի պայմանագիր կնքելու ուղղությամբ Լոնդոնի ջանքերն անցած շաբաթ զայրույթ պատճառեցին այդ միության անդամներին:
Գերմանիայի կանցլերի խոսնակը հայտարարեց որ Բրիտանիան մինչև այնքան ժամանակ, որ չի հեռացել ԵՄ-ից ազատ առևտրի համաձայնագրի շուրջ բանակցություններ վարելու իրավունք չունի:
Գերմանիայի կանցլերի խոսնակն անուղղակի կերպով ակնարկել է անցած շաբաթ Չինաստանում գումարված Մեծ Քսանյակի գագաթնաժողովին առընթեր մասնակից մի քանի երկրների ղեկավարների հետ ազատ առևտրի գոտու ստեղծման շուրջ Բրիտանիայի վարչապետ Թերեզա Մեյի վարած բանակցություններին:
Լրատու աղբյուրներ ավելի վաղ տեղեկացրել էին ԵՄ-ն լքելուց հետո Բրիտանիայի հետ ազատ առևտրի պայմանագիր կնքելու կապակցությամբ Ավստրալիայի վարչապետի հայտնած պատրաստակամության մասին:
Ազատ առևտրի համաձայնագրերի ստորագրման շուրջ խորհրդակցությունը գլխավոր թեմաներից է, որ տարբեր երկրներ իրականացնում են դիմակայելու համար տնտեսական ներկա խնդիրները, լճացումն ու գործազրկությունը:
Թվում է թե նման բանակցություններ կատարելով բրիտանացի պաշտոնատարներ փորձում են մեղմել ԵՄ-ն լքելուց հետո այդ երկրին սպառնացող տնտեսական վնասները:
---
Եվրոպայում փախստականների ճգնաժամն անցած շաբաթ էլ շարունակվեց և Ֆրանսիայի Քալեն, որպես այն գլխավոր կենտրոններից մեկը, որտեղից շատ փախստականներ ձգտում են հասնել Եվրոպայի սահմանները, հայտնվեց ԶԼՄ-ների ուշադրության կենտրոնում:
Քալեյի ճգնաժամը վերջին շաբաթների ընթացքում այն պայմաններում է սրվել, երբ մեծ թվով ապաստանյալներ Քալեյի «Անտառ» կոչվող տարածքում գտնվում են չափազանց ծանր պայմաններում և նրանցից շատերը փորձում են անցնել Բրիտանիա:
Վերջին շաբաթների ընթացքում Քալեյի շատ բնակիչներ բողոքել են այդ տարածքում փախստականների կեցության վայրերի գոյության դեմ: Նրանք համոզված են, որ փախստականների ներկայությունը թուլացնում է տարածքի տնտեսությունը:
Այդ տարածքում բարձրացված բողոքի ալիքը պատճառ դարձավ, որ Ֆրանսիայի ՆԳ նախարարը վերջին շաբաթներում արդեն քանիերորդ անգամ այդ տարածք այցելի:
