پاکستان ته ورغلي افغان عسکر بیرته افغان چارواکو ته وسپارل شول
د شاهدانو پر وینا پاکستاني لورې له یوې ورځې تیریدو وروسته دغه پنځه دیرش افغان پوله ساتي عسکر بیرته په کونړ کې ځایي چارواکو ته وسپارل .
زمونږخبریال له ننګرهاره راپور راکړ عینی شاهدان وایي پرون وسله والو طالبانو د افغانستان د کونړ ولایت دمرورې ولسوالۍ د غاښي په سیمه کې د افغان پوله ساتي ځواک پر پوستو ډله ییز بریدونه وکړل چې د شاهدانو پر وینا افغان پوله ساتي ځواک درې پوستې طالبانو ته خوشې کړې . د شاهدانو پر وینا له دغه درو پوستو څخه څلور پوله ساتي عسکر له طالبانو سره یو ځای شوي او پنځه دیرش نور عسکر د ډیورنډ پولې پورې غاړه پاکستاني پوله ساتي ځواک ته ورغلي دي. د شاهدانو پر وینا پاکستاني لورې له یوې ورځې تیریدو وروسته دغه پنځه دیرش افغان پوله ساتي عسکر بیرته په کونړ کې ځایي چارواکو ته وسپارل . نور تفصیل ئې له خپل خبریال خولې آورو .
