په چین کې د افغانستان د ګاونډیانو غونډه جوړیږي
د پاکستان خارجه وزارت په یوې اعلامیې کې چین د افغانستان د ګاونډیو شپږو هیوادونو د دریمې غونډې کوربه معرفي کړ .
د بهرنیو عسکرو په تبیره د امریکایانو په وسله دافغانستان شل کلن نیواک او ددغه هیواد په لسګونو کلونو داخلی جنګونو تقریبا درست بیخ بینائي تاسیسات نابود کدی دی ، امریکایانو دطالبانو له ولکې سره په یووخت له کوم پروګرامه پرته له افغانستانه پښې سپکې کړې او په دې وخت ئې قدرت ته دطالبانو د رسیدا په پلمه ددغه هیواد شتمنۍ هم کنګل کړې چې دغې چارې د افغانانو ژوند لاسخت او تریخ کړ .
چین ، ایران،پاکستان ،تاجیکستان ،ترکمنستان او ازبکستان چې درست د افغانستان ګاونډیان دي ، تر دې دمه ئې دوه ځله په اسلام اباد او تهران کې د دغه هیواد دحالاتو په باب د بحث او خبرواترو لپاره غونډې جوړې کړي دي .
تسنیم خبری اژانس راپور ورکړ، دپاکستان خارجه وزارت پرون ناوخته د یوې اعلامیې په خپرولو سره دافغانستان دوروستیو حالاتو په باب د خبرواترو او بحثونو په خاطر د دریمې غونډې وخت او ځاي هم اعلان کړ . ددغې اعلامیې په اساس ، بیجینګ به د مارچ په دیرشمه نیټه د په افغانستان کې د انساني بحران او داقتصادي مسئلو په چورلیز توب سره دافغانستان د ګاونډیانو دوه ورځنۍ غونډې کوربه وي .
په دغې اعلامیې کې راغلي دي ، دپاکستان خارجه وزیر شاه محمود قریشي او د روسیې خارجه وزیر سرګئ لاؤروف به هم په دغې ناستې کې ګډون وکړي .ډیری شناندي او کارپوهان وائي د روسیې او اوکراین ترمینځ تریګلتیاؤ هم د افغانستان پر اوسني وضعیّت ډيرې اغیزې شیندلی او نړیواله ټولنه دافغانستان د حالاتو په باب توجه د کمولو په حال کې ده چې د افغانانو لپاره دبوږنونکي حالاتو د رامینځةکیدا ځیری ورکوي .
