د افغانستان خلک سخت ژمې مخ ته لري
تسنیم خبري اژانس وايي د سره صلیب نړیوالې کمیټۍ(icrc) په ژمي موسم کښې د افغانستان د خلکو د بد حالت په هکله خبرداری ورکړ.
د سره صلیب د نړیوالې کمیټۍ دغه راپور په داسې حال کښې دی چې افغانستان د امریکا د عسکرو لخوا له شل کلن نیواک او د بیخ بنایانو له تباه کیدا وروسته همدا اوس د انساني او د اقتصادي کړکیچ په شمول له ډیرو کړکیچونو سره مخامخ دی.
د سره صلیب د نړیوالې کمیټۍ د عملیاتي برخې مشر مارتین شویپ چې افغانستان ته تللی دی نن مخ ته پراته ژمي موسم ته په اشارې سره وویل د افغانستان خلک له سختۍ بې وزلۍ او ناروغیو سره مخامخ دی.
هغه زیاته کړه اقتصادي مشکلاتو او کلونو کلونو جنګونو د افغانستان د خلکو ژوند ډیر تر اغیز لاندې وروستلی دی.
د سره صلیب نړیوالې کمیټۍ مخکې ویلي وو چې د افغانستان څه د پاسه نوي فیصده خلک په ورځ کښې له یو اعشاریه نهو ډالرو څخه کم عاید لري.
په افغانستان کښې د ملګروملتونو د بشر دوستانه چارو غږملونکي دفتر هم په دغه هیواد کښې انساني کړکیچ ته په اشارې سره ویلي وو په افغانستان کښې څه د پاسه څلرویشت میلیونه خلک بشردوستانه مرستو ته ضرورت لري.
په ملګروملتونو کښې د روسیې دائمي استازي واسیلی نبنزیا لویدیځ هیوادونه په تیره بیا امریکا د افغانستان د اوسني بد حالت مسوول بللي دي.
