چین ته د افغانستان صادرات زیات شوي دي
Feb 21, 2023 07:34 Asia/Kabul
د چین ګمرک په یو رپورټ کښې دغه هیواد ته د افغانستان د صادراتو د زیاتیدو خبر ورکړ
د چین ګمرک یا کسټمز وویل چې په ۲۰۲۲ کال کښې له افغانستانه د دغه هیواد واردات ۹.۰۹ میلین ډالرو او صادرات یې ۵۹ میلیون ډالرو ته رسیدلي دي.
د چین ګمرک اټکل وکړ چې دغه هیواد به په ۲۰۲۳ کال کښې د افغانستان په دویم سوداګري شریک بدل شي.
د خپرو شویو رپورټونو له مخې، په افغانستان باندې د طالبانو له واکمنیدو وروسته دغه هیواد ته د چین صادرات ۵۴ فیصده زیات شوي دي.
وچه میوه، د حیواناتو څرمنې، نیمه ګرانبیه کاڼي، آجیل او سبزیجات چین ته د افغانستان ډیر مهم صادرات دي.
دم ګړۍ پاکستان په ۱.۵۱۳ میلیارډ ډالرو سره د افغانستان وړومبنې تجارتي شریک دی او هندوستان په ۴۵.۵ میلیون ډالرو سره د افغانستان دویم ستر تجارتي شریک دی.
