افغانستان کښې د پاکستان خلاف مظاهرې ترسره شوې
-
فایل فوټو
د افغانستان د ننګرهار ولایت خلکو د پاکستان له خوا د تورخم سرحد په بندولو باندې اعتراض کښې مظاهرې وکړې
د تورخم سرحدي لاره تیره چارشنبه د پاکستان او د افغانستان د طالبانو د حکومت د سرحدي ځواکونو ترمینځ له نښتې وروسته د اسلام آباد د حکومت له خوا د هر ډول تګ راتګ لپاره بنده شوې ده.
د افغانستان په ختیځ کښې د ننګرهار ولایت اوسیدونکو پرون د تورخم په سرحدي سیمه کښې په راغونډیدو سره د پاکستان له لورې د دغې لارې په بندیدو باندې اعتراض وکړ او د پاکستان خلاف یې د شعارونو په ورکولو سره د دغه سرحد د زرترزره خلاصیدو غوښتنه وکړه.
معترضانو د پاکستاني چارواکو دغه اقدام د ښه ګاونډیتوب خلاف یو اقدام وباله او ټینګار یې وکړ چې د تورخم دروازه باید زرترزره خلاصه شي.
د دغو مظاهرو پلانوونکو اعلان وکړ چې افغانستان او پاکستان ګاونډي هیوادونه دي او د تورخم سرحد په تړلي پاتې کیدو سره، ملکي وګړي او سوداګر تاواني کیږي.
په عین حال کښې د تورخم سرحد د خلاصولو په موخه د افغانستان او پاکستان د چارواکو مذاکرات بې ګټې ختم شوې دي.
تورخم سرحد له پاکستان سره د افغانستان ډیره مهمه سرحدي لاره ده چې هره ورځ ورڅخه د د تجارتي شیانو سربیره زرګونه کسان د پولې دواړو لورو ته تګ راتګ کوي.
