د تایوان پر وړاندې د افغانستان د فوټسال لوبډلې بریا
Oct 01, 2023 05:53 Asia/Kabul
د افغانستان د فوټسال ملي لوبډلې د تایوان د فوټسال ملي لوبډلې ته په یوه دوستانه لوبه کې د ۵ پر۳ په توپیر ماتې ورکړه.
د افغانستان د فوټسال ملي لوبډلې چې د آسيايي سياليو لپاره د چمتووالي په حال کې ده، پرون د تايلنډ په بنکاک ښار کې د تايوان له لوبډلې سره دوستانه لوبه وکړه او وتوانیدله چې دغه ټيم ته د ٥ پر٣ په توپير ماتې ورکړي.
په دې لوبه کې د افغانستان لپاره اکبر کاظمي یو هټریک او دوه نور ګولونه عبدالغفار صادقي او مهدي نوروزي ترسره کړل.
د افغانستان د فوټسال ملي لوبډلې خپله لومړۍ دوستانه لوبه له مالیزیا سره ۱-۱ مساوي کړې وه.
تېره میاشت د افغانستان د فوټسال لوبډلې په تاجکستان کې د منځنۍ آسیا د فوټبال په سیالیو کې له ایراني لوبډلې وروسته، د دویم مقام خپل کړی وو.
