په ننګرهار کې يوې مور په يو ځل پنځه ماشومان زېږولي
Mar 17, 2024 03:15 Asia/Kabul
د ننګرهار عامې روغتيا رياست مسئولين وايي چې د جلالاباد په سیمهایز تخصصي روغتون کې یوې مور په يو ځل پنځه ماشومان زیږولي چې څلور هلکان او یوه نجلۍ ده.
د ننګرهار عامې روغتيا رياست ویاند نقيبالله رحيمي د کب په ۲۶مه وويل چې، د جلالاباد ښار حوزوي تخصصي روغتون د نسايي ولادي په څانګه کې يوې مور په يو ځل پنځه ماشومان زېږولي دي.
هغه زياته کړې چې، د روغتون د ډاکټرانو په وینا، د مور او ماشومانو روغتیايي وضعیت د ډاډ وړ دی او د کوچنیان د نويو زیږیدلو ماشومانو څانګه کې تر جدي څارنې لاندې دي.
د نوموړي په وينا، دغه مېرمن د جلالاباد ښار پنځمې ناحیې اوسېدونکې ده او ماشومانو کې يې څلور هلکان او يوه نجلۍ ده.
له دې څه موده وړاندې هم د جلال آباد په حوزوي روغتون کې يوې مور په یو ځل څلور ماشومان زېږولي وو.
ټیګونه
