ځينې بهرنیو شرکتونو په افغانستان کې پانګونې ته لېوالتیا ښودلې
د سرپرست حکومت اقتصادي کمېسیون ویلي چې، یو شمېر کورني او بهرني شرکتونه دې ته لېواله دي چې، په افغانستان کې تر څه باندې ۵ میلیارده ډالرو پانګونې وکړي.
د سرپرست حکومت مرستیال ویاند حمدالله فطرت زیاتوي چې، یو شمېر کورني او بهرني پانګوال غواړي چې، په افغانستان کې پر کرنې، بنسټیزو پروژو، صنعت، انرژۍ، کانونو او ټرانسپورټ پانګونې وکړي.
بلخوا، د قطر د نړیوالو همکاریو په چارو کې د دولت وزیرې په نیویارک کې د امریکا د نړیوالې پراختیايي ادارې له مرستیال سره د افغانستان د وضعیت او پراختیايي پروژو په اړه خبرې کړې دي.
له دې سره، د افغانستان د اقتصاد وزارت د امریکا د نړیوالې پراختیايي ادارې د فعالیتونو بیا پیلېدل د افغانستان د اقتصادي ودې لپاره مهم ګڼي او زیاتوي چې اړتیا ده چې د امریکا نړیواله پراختیايي اداره او نورې ادارې په افغانستان کې خپلې چارې بېرته پيل کړي.
