مجاهد:
پاکستان باید له ثبوت پرته د پېښو مسئولیت پر افغانستان وانهچوي
May 23, 2025 06:27 Asia/Kabul
د سرپرست حکومت ویاند ذبیح الله مجاهد پر خپله اېکس پاڼه په یوه لیکلي بیان کې د پاکستان په بلوچستان کې د پوځي اکاډمۍ پر یوه بس د برید په غندلو سره ویلي، چې پاکستاني چارواکي باید له کوم دلیل او ثبوت پرته په دغه هېواد کې د ورته پېښو مسئولیت پر افغانستان وانه چوي.
نوموړي ټینګار کړی، هېچاته اجازه نه ورکوي چې د افغانستان خاوره د بل هېواد پر وړاندې وکارول شي.
پاکستان تل ادعا کړې، چې په دغه هېواد کې کېدونکې بریدونه په افغانستان کې پلانېږي او سرپرست حکومت د دوی ضد وسلهوالو ډلو ته په افغان خاوره کې پټنځایونه ورکړي دي.
خو ذبیح الله مجاهد بیا ویلي، چې دغه ډول ادعاوې له کوم ثبوت وړاندې کولو پرته څرګندېږي.
ټیګونه
