د افغانستان په هلمند کښې نشه ایز مواد له مینځه وړل شوی
-
په افغانستان کښې دکوکنارو د کر او دنشه ایزو موادو په زیاتول کښې امریکا ، انګلستان او دناټو عسکرو نیغ په نیغه لاسونه لري .
زمونږ خبریال وایی امریکا د افغانستان او د ځایی ائتلافیانو په مرستې سره دنشه ایزو موادو د تولید او زیرمه کولو په مرکزونو هوایی حمله کړی ده چې طالبان د نشه ایزو موادو له عاید څخه محرومه کړی .
په افغانستان کښې د امریکا او د ناټو د غوڅ ملاتړ د پوځی کمپاین قوماندان جنرال جان نیکلسن د امریکا او دائتلافی ځواکونو لخوا د نشه ایزو موادو پرضد د خپلې لومړنۍ هوای حملې په اړه وویل ددغه بمباریو په نتیجه کښې د افغانستان په هلمند ولایت کښې دنشه ایزو موادو د تولید مرکزونه تباه شوی .
هغه وویل دافغانستان په هملند ولایت کښې په ډیرو سیمو کښې کوکنار کرل کیږی او مونږ غواړو چې طالبان دنشه ایزو موادو له عاید څخه محرومه کړو .
جنرال جان نیکلسن وویل دامریکا او دناټو الوتکو په هغو لیبراتورانو حملې وکړې چیرې چې له کوکنارو څخه هیروین جوړیږی .
جان نیکلسن وویل د څو میلیونو ډالرو په ارزښت نشه ایز مواد له مینځه یوړل شول چې عاید یې د طالبانو جیبونو ته ورتله .
دا په داسې حال کښې دی چې په افغانستان کښې دکوکنارو د کر او دنشه ایزو موادو په زیاتولو کښې امریکا ، انګلستان او دناټو عسکرو نیغ په نیغه لاسونه لری او ټولو خلکو ته دغه خبره په ښه ډول معلومه هم ده .
