له دوکه بازو ځانونه وساتئ
په کابل کې د جعلي کارونو څوارلس( ۱۴) کسیزه ډله نیول شوې
نیول شویو کسانو خپل جرم منلی او له کیونېټ شرکت څخه ۹ کمپیوټرونه، د چل/دوکې ښودنې درسی مواد او یو شمېر نور مهم اسناد د ملی پولیسو لاسته ورغلی دی.
زمونږ خبریال له غزنی راپورراکړ دافغانستان په کابل کې د کیونیټ په نوم یوه شرکت د دوکه بازو څوارلس کسیزه ډله چې په جعلی اقداماتو سره ئې خلکو ته دوکې ورکوې ، پولیسو نیولې ده .
یادو کسانو د (کیونېټ) په نوم یوه شرکت کې د (څنګه شتمن شئ) تر نامه لاندې فرېبکارانه فعالیت کاوه، چې دلوی څارنوالۍ د قرار پر بنسټ، او د خلکو د پرله پسې غوښتنو او اعتراضونو وروسته نیول شوی دی.
د کیونېټ شرکت ۱۴ کسیزې چینل د کاذب اعتماد جوړونې او خلکو ته د خیالی شتمنېدو راز د ښودنې لپاره له بېلابېلو لارو چارو لکه: د عامه ذهنونو د بدلولو لپاره د لنډمهالو سیمینارونو پرانیستل، د ځوانانو د جلب او جذب منظم تشکیل جوړول او د شتمنېدو په برخه کې د ستاین لیکو ورکړې خیالی پروګرامونه پر لاره اچول او خلکو نه ئې پیسې اخیست.
نیول شویو کسانو خپل جرم منلی او له کیونېټ شرکت څخه ۹ کمپیوټرونه، د چل/دوکې ښودنې درسی مواد او یو شمېر نور مهم اسناد د ملی پولیسو لاسته ورغلی دی.
باید وویل شی چې یوه میاشت وړاندې هم د(کیونېټ) په نوم شرکت څو نور کسان هم نیول شوی ول .
