د افغانستان حکومت په پاکستان کښې له هوايي پیښې خواشیني څرګنده کړه
May 24, 2020 02:10 Asia/Kabul
د افغانستان د بهرنیو چارو وزارت په کراچۍ کښې د پاکستان د یوې مسافري الوتکې له نسکوریدو خواشیني وښودله.
آریا نیوز خبري آژانس لیکلي چې د افغانستان خارجه وزارت پرون په یوه خبرپاڼه کښې د سند صوبې په مرکز کراچۍ کښې د پاکستان د هوايي چلند د یوې مسافروړونکې الوتکې د نسکوریدو په وجه د دغه هیواد له حکومت او ولس او د دغې پيښې له قربانیانو سره غمرازي څرګنده کړه.
د ویلو ده چې د جمعې په ورځ د پاکستان یوه مسافري الوتکه په ۱۰۸ تنه مسافرو او کرو سره په کراچۍ کښې ولویدله چې پرته له دوو تنو، نور ټول سپاره کسان یې مړه شوې دي.
د پاکستان سول ایوي ایشن د الوتکې د انجڼ بندیدل او د هغې د لینډنګ ګیر نه خلاصیدل د دغې پیښې علت بللی دی.
ټیګونه
