د ایران او روسیې د ملي امنیت شورا منشیانو ملاقات وکړ

د ایران او روسیې د ملي امنیت د عالي شوراګانو منشیانو د روسیې په سن پیټرزبرګ ښار کښې د یوې غونډې ترڅنګ په خپلو کښې کتلي دي.

د ایران د ملي امنیت د عالي شورا منشي «علي‌اکبر احمدیان» چې د بریکس ډلې د غړو هیوادونو د جګ پوړو امنیتي چارواکو په غونډه کښې د ګډون په موخه روسیې ته تلی دی، پرون مازیګر یې د دغه هیواد د ملي امنیت د لوړې شورا له منشي «سرګئی شویګو» سره وکتل او د دوه اړخیزو، سیمه ایزو او نړیوالو مسائلو په هکله یې ورسره صلاح مشورې وکړې.

یاده دې وي چې په دې وروستیو کلونو کښې د ایران او روسیې اړیکې مخ په ودې دي ماسکو او تهران ته د دواړو هیوادونو د جګ پوړو چاروکاو سفرونه د دغو ژورو سټراټیجکو او اوږدمهاله اړیکو نښه ده چې د حکومتونو په بدلیدو سره په کښې هیڅ کموالی نه دی راغلی.