د مینځني ختیځ په نوم کوم شی نشته
ایرنا خبري اژانس راپور راکړی د سوریې په چارو کښې د امریکا استازي «ټام باراک» د سیمې د هیوادونو په سپکاوي کولو سره ادعا وکړه: د مینځني ختیځ په نوم هیڅ شی نشته ، بلکې دغه سیمه د قبائیلو او د کلیو یوه ټولګه ده کومه چې انګریزانو او فرانسوایانو رامینځته کړه.
ټام باراک له الجزیرې ټیلي ويژن سره په مرکه کښې د سیمې د کړکیچونو په هکله خپلې نظرونه بیان کړل.
د سوریې په چارو کښې د امریکا استازي ټام باراک د سیمې د مسائیلو پیچلتیا ته په اشارې سره وویل د جادو داسې هیڅ امسا نشته چې د مینځني ختیځ مشکلات په یووخت حل کړو.
ټام باراک زیاته کړه تاریخ مونږ ته رازده کړي دي چې باید د بیلابیلو مشکلاتو حل لارې ولټوو ؛ مونږ به ابتدا له ترکیې څخه وکړو او بیا به په سوریې ، لبنان ، اردن او غزې هم غور وکړو.
د امریکا دغه استازي د غزې په هکله وویل په غزې کښې وژله باید بنده شي او زه د جنګ د ختمیدا د امکان په هکله خوشبینه یم.
دا لومړی ځل نه دی چې د امریکا استازی ټام باراک د عربو هیوادونو سپکاوی کوي بلکې هغه مخکې د وږي د میاشتې په څلورمه نیټه هم په یوه خبري کانفرنس کښې چې د لبنان له ولسمشر جوزف عون سره له کتنې وروسته وشو د خبریالانو سپکاوی کړی و.
ټام باراک له خبریالانو غوښتي وو چې له تمدن څخه ډک کړچار ولري او د حیوانانو په شان مه کیږي.
