ایران کښې د اروپا دوه ښاریز ونیول شول
ایرنا خبري اژانس وايي د ایران د استخباراتو وزارت په هیواد کښې د بې نظمۍ او د بلواو د تنظیمولو د دوو (۲) اروپايي ښاریزو د نیولو خبر ورکړ .
د ایران د اسلامي انقلاب له بریالیتوب وروسته د امریکا ، صهیونیست رژیم او د دوې د متحدانو لخوا د ایران له اسلامي جمهوریت سره د مقابلې او د حکومت د نسکورولو لپاره بیلابیلې هڅې شوي دي .
په تیرو کلونو کښې د ایران پرضد د امریکا د زیات دباو د سیاستونو په ماتي خوړلو سره د ایران پرضد زیات امنیتي دباو هم بڼه خپله کړه او په دغو خوځښتونو کښې د اسرائیلو ، د امریکا او د انګلستان ترمینځ پراخې ملګرتیاوې روانې دي .
د ایران استخباراتو وزارت وویل د اروپا دوه (۲) ښارییز چې د صنفونو او د پرګنو لخوا له حقه غوښتنو څخه د ناوړه استفادې په هدف او د بلوا، او د ټولنې د بې ثباته کولو او د ټولنیزې بې نظمۍ په لور د دغو عادي غوښتنو د لارې د بدلولو لپاره ایران ته راغلي وو د ایران د استخباراتي ادارې د کسانو لخوا وپیژندل شول او ونیول شول .
