IAEA دې د خپلو ځوابونو لپاره سمه لاره کچ کړي
سعید خطیب زاده نن پخپل اونیز خبری کنفرانس کې دایران پریس خبریال دپوښتنې په ځواب کې ووئيل ، تل زمونږ سپارښتنه دا ده چې رافایل ګروسي دې د خپلو تخنیکي دندو په چوکاټ کې خبرې وکړي .
د ایران داسلامی جمهوریت د خارجه وزارت ویندوي سعید خطیب زاده د ایټمي انرژۍ نړیوال آژانس په مخاطب کولو سره ووئيل،که کومه پوښتنه او یا ابهام لري، نو باید له سمې لارې ئې تعقیب کړي .
د ایټمي انرژۍ دنړیوال آژانس مشر رافایل ګروسي له العربیه خبری چینل سره په خبرو کې وئيلي دي ،د جامعې نړیوالې ایټمي موافقې د احیا لپاره له ایران سره خبرې اترې بندون ته رسیدلي دي .هغه دخپلو وروستیو ادعاګانو په تکرارولو سره وئيلي دي ، د ایټمي انرژۍ نړیوال آژانس هڅه کوي چې په ایران کې د ځينوموجودو حقایقو توضیح ورکړي او دغه آژانس د هغو تخنیکي پوښتنو په باب چې ئې مطرح کړي دي، له تهرانه ئې هیڅ ډول ځواب نه دی ترلاسه کړی .
سعید خطیب زاده نن پخپل اونیز خبری کنفرانس کې دایران پریس خبریال دپوښتنې په ځواب کې ووئيل ، تل زمونږ سپارښتنه دا ده چې رافایل ګروسي دې د خپلو تخنیکي دندو په چوکاټ کې خبرې وکړي .
خطیب زاده زیاته کړې ده ، د ایران او د ایټمي انرژۍ دنړیوال آژانس ګډه اعلامه د مارچ په پنځمه نیټه مکتوب او تعقیب شوي ده ، که آژانس بیا هم کومه پوښتنه او ابهام لري ،نو دغه شان روده مناسبه نه ده .
د ایران دخارجه وزارت ویندوي روښانه کړې ده ، دویانا دخبرواترو لاره چې تر دې دمه کچ شوې ده ، دډيپلوماسۍ اورګاډی هماغه راز خپل کار ته دوام ورکوي . له کار ړنګونو سره سره ایران تل هڅه کړې ، چې خبرې اترې پر مخ لاړې شي او دا نوښت د دوو خارجه وزیرانو له لارې امریکا ته منتقل او دلارې نقشه ئې مشخصه کړې ده . که امریکا درست بندیزونه لیرې کړي او په چټکۍ سره او د ایران دنوښت په اساس عمل وکړي ، نو موافقه نهائي کیږي .
