په دوحه کې د اسلامي ایران او ۱+۴ ډلې د هیوادونو تر مینځ خبرې اترې دوام لري
د ایران د اسلامي جمهوریت د بهرنیو چارو د وزارت ویاند ویلي چي د قطر په پلازمینې دوحه کې د ایران او د ۱+۴ ډلې د هیوادونو تر مینځ خبرې اترې په یوه جدي او مسلکي فضا کې روانه ده.
د ایران د خارجه وزارت ویاند ناصر کنعانی چافی په ځینو رسنیو کې د دوحې د ناستې د پای ته رسېدو د راپورونو په غبرګون کې وویل: د دوحې دوه ورځنۍ غونډه لا پای ته نه ده رسېدلې، د ایران د اسلامي جمهوریت د مذاکراتي ټیم مشر او د خارجه وزارت سیاسي مرستیال علی باقري کني د اروپایي اتحادیې د بهرني سیاست له مرستیال او د ویانا د مذاکراتو له ږغملوونکی انریکه مورا سره به خبرو اترو ته دوام ورکړي.
د ایران د خارجه وزارت د ویاند په وېنا، ټاکل شوی و چي د دوحې غونډه دوې ورځې دوام وکړي لیکن د سلامشورو په نتیجه کې دواړو لورو د اختلافاتو د هوارولو په موخه د خبرو د دوام پرېکړه کړې.
د امریکې له لوري په ایران باندې د ظالمانه بندیزونو د نه لیري کېدو او همدارنګه د ایټمي انرجیو د نړیوال اژانس له لوري غیرعادلانه راپور او په واکمنه شورا کې د اسرائیلي رژیم په لمسون د ایران ضد د پرېکړه لیک د تصویبېدو د امله په ویانا کې د ایران او ۱+۴ ډلې هیوادونو تر مینځ خبرې اترې بندي شوې وي.
خو په وروستیو ورځو کې ایران ته د اروپایي اتحادیې د بهرني سیاست د مسئول جوزپ بورل تر سفر وروسته، د هغه په غوښتنه د ایران او ۱+۴ ډلې د هیوادونو تر مینځ خبرې اترې له سره پیل شوې.
