دښمنان د یمن جنګ د اقتصادي جنګ په لور بیايي
د ایران د اسلامي شورا مشر د انصار ا... غورځنګ د ویاندوي په کتنه کښې وویل چې دښمنان د یمن جنګ د یو اقتصادي جنګ په لور بوخی
د یمن د انصار ا... غورځنګ ویاندوي محمد عبدالسلام پرون په تهران کښې د ایران د اسلامي شورا (پارلیمان) له مشر محمد باقر قالیباف سره ملاقات وکړ.
ښاغلي قالیباف د انصار ا... غورځنګ د ویاندوي په کتنه کښې وویل: دښمنان په یمن کښې خپل جنګ د اقتصادي جنګ په لور ټیل وهي ترڅو وتوانیږي خلک پوزې ته راولي او هغه څه چې به ستونزو باندې د برلاسي لامل کیدې شي، د میړانې، صبر او مقاومت د روحیې پیاوړې کول دي.
د ایران د پارلیمان مشر په دغې کتنې کښې زیاته کړه: د هغو رپورټونو او صحنو ټولګه چې لیدل کیږي، د یمن د ولس او هم داشان د جنګیالیو د جهاد، اودریدنې، شهادت او سرشیندنې د روسیې بیانونکې ده.
په دغې کتنې کښې د یمن د انصار ا... غورځنګ ویاند هم وویل: یمن له ډیرو سختو حالاتو تیریږي او په ستومانه کونکي جنګ کښې ګیر دی البته په دې کلونو کښې د ایران اسلامي جمهوریت د یمن د خلکو په وړاندې یو حکیمانه دریځ لرلی دی.
محمد عبدالسلام زیاته کړه: دښمن مخکښې فکر کوه چې په یمن کښې به یوه اسانه جګړه ولري خو د یو روښانه آرمان د لرلو په برکت وتوانیدو چې د دغه تیري په وړاندې اودریږو.
هغه هم داشان وویل چې د یمن په خلکو باندې د دښمنانانو د ظالمانه تیري نزدې اته کاله وشول او دښمن په خپله داده شوی چې ماته یې خوړلې له بندون ته رسیدلی دی او اوس یې د یمن اقتصادي محاصرې ته مخه کړې ده.
