ایران کې د ټرافیکي پېښې له امله افغان کډوال وژل شوي

د ایران د شیراز ښار په قطرو سیمه کې د ټرافیکي پېښې له امله یو ایرانی او نهه افغان کډوال وژل شوي.

د رسنیو د راپورونو له مخې،  په وژل شویو کسانو کې درې مېرمنې او دوه ماشومان هم شامل دي.

یاده پېښه وړمه شپه د یو کرولا او مازدا ډوله موټر ترمنځ د ټکر له کبله رامنځته شوې.

د وژل شویو کسانو جسدونه روغتون ته انتقال شوي، خو ویل کېږي چې لایې هم هویتونه نه دي په ډاګه شوي.

د یادونې وړ ده چې په دې وروستیو کې په بهرنیو هېوادونو کې افغان کډوالو ته د تلفاتو اوښتو خبرونه ډېر شوي دي.