د صهیونیسټي رژیم د تیریو په وړاندې د اسلامي ملګرتیاموسیسې رول
پارس ټوډي – د ایران د اسلامي جمهوریت د بهرنیو چارو وزیر سید عباس عراقچي د اسلامي ملګرتیاموسیسې د بهرنیو چارو وزیرانو په غونډې کې د ګډون لپاره دوحې ته لاړ؛ دا غونډه د غړو هېوادونو د یووالي او ملګرتیا له لارې د صهیونیسټي رژیم د جګړهغوښتنې او په سیمې کې د بحرانونو د رامنځته کولو پر وړاندې جدي او اغېزشیندونکي ګامونه پورته کولی شي.
د ایران د بهرنیو چارو وزیر سید عباس عراقچي دوحې ته د اسلامي ملګرتیاموسیسې دغړو هیوادونو د بهرنیو چارو وزیرانو په غونډې کې د ګډون لپاره سفرد ایران د اسلامي جمهوریت د بهرنیو چارو وزیر نن (یکشنبه) د ۱۴۰۴ لمریز کال د وږي د میاشتې په ۲۳ د قطر پلازمینې دوحې ته ولاړ. عراقچي د اسلامي ملګرتیا موسیسې (OIC) د بهرنیو چارو وزیرانو په غونډې کې د ګډون لپاره دوحې ته تللی دی. د اسلامي-عربي بهرنیو چارو وزیرانو بیړنۍ غونډه د قطر په غوښتنې سره د صهیونیسټي رژیم له خوا پر دغه هېواد د پوځي تیریو د موضوع د څېړلو لپاره جوړېږي. دا غونډه د اسلامي-عربي مشرانو د غونډې لپاره مقدمه ده چې سبا دوشنبه جوړېږي. د ایران د اسلامي جمهوریت ولسمشر «مسعود پزشکیان» به هم په دغې سرمشریزې کې ګډون وکړي.
د اسلامي ملګرتیا موسیسې د بهرنیو چارو وزیرانو غونډه په دوحې کې په داسې حال کې ترسره کېږي چې د نړیوالو قوانینو سرغړونه او پر هېوادونو حملې د صهیونیسټانو لپاره یوه عادي کړنه ګرځېدلې، او نړیواله ټولنه باید دغې موضوع ته جدي غبرګون وښئي.
د اسلامي ملګرتیا موسیسه (OIC)، د اسلامي نړۍ د یوه تر ټولو لوي نړیوالې موسیسې په توګه، د صهیونیستي رژیم د جګړهغوښتنې پر وړاندې د مبارزې لپاره د پام وړ وړتیاوې لري. البته، د دغو اقداماتو اغېزمنتیا د غړو هېوادونو د سیاسي ارادې او عملي همغږۍ پورې اړه لري. د اسلامي ملګرتیا موسیسې د خپلو غړو هېوادونو د امنیت په اړه اخلاقي، سیاسي او حقوقي مسوولیت لري.
صهیونیسټي رژیم د بشري حقوقو او نړیوالو قوانینو د سرغړونې اوږده مخینه لري، او پر قطر حمله د دوي د تیریو د پالیسیو دوام دی. د اسلامي ملګرتیا موسیسه د ډیپلوماټیکو، حقوقي او رسنیزو وسایلو په کارولو سره دا کړنې وغندي او مخه ئې ونیسي.
دا موسیسه د ملګرو ملتو د امنیت شورا پر اغېزمنتیا رول لوبولی شي څو د صهیونیسټي رژیم د تیریو پر وړاندې ضروري پریکړه لیکونه تصویب کړي. د صهیونیسټي رژیم د مشرانو پر وړاندې نړیوالو محکمو لکه د نړیوالې جنايي محکمې (ICC) ته رسمي شکایتونه وړاندې کول د غزې په جګړې کې د جنګي جنایتونو او بشري حقوقو د سرغړونو د تعقیب لپاره بل اغېزمن اقدام دی.
د اسلامي ملګرتیاموسیسې د غړو هیوادونو اقتصادي او سوداګریز اقدامات د صهیونیسټي رژیم پر وړاندې په دغه رژیم پورې اړوندو توکو او شرکتونو بندیز، د نیواکګرو ملاتړو ادارو سره سوداګریزو او پانګونې اړیکو پرې کول شامل کړي.
د اسلامي ملګرتیا موسیسې رسنیز او کلتوري اقدامات د فلسطین او غزې د خلکو لپاره د نړیوال ملاتړ جلبولو لپاره اغېزمن دي، چې یوه برخه ئې د اسلامي هېوادونو په رسنیو کې د صهیونیسټي رژیم د جنایتونو زیات پوښښ دی. د صهیونیسټي رژیم د نیواکګرئ پالیسي او بشري حقوقو د سرغړونو د ایشواکولو لپاره د نړیوالو پوهاوي کمپاینونو ترسره کول هم د عامه افکارو د جلبولو لپاره اغېزشیندونکي دي
د عربي نړۍ عامه افکار د صهیونیسټي رژیم له خوا پر قطر په حملې سخت غوسه شوي او دا ئې د نړیوالو قوانینو ښکاره سرغړونه بللې ده. دا د صهیونیسټي تیریو پر وړاندې د نړیوالې ټولنې د متحد کولو لپاره یوه مناسبه موقع ده. د اسلامي ملګرتیا موسیسې د بهرنیو چارو وزیرانو په غونډې کې د صهیونیستي رژیم د نیواکګرو کړنو پر وړاندې د یوه اغېزمن او منسجم عملي پلان جوړول ممکن دي. دا پلان باید له سیاسي او حقوقي پلوه پیاوړی وي او د عامه افکارو او نړیوالو ادارو تر اغېز لاندې راوستلو وړتیا ولري.
د اسلامي ملګرتیا موسیسه (OIC) د صهیونیسټي رژیم د پالیسیو پر وړاندې د عملي اقداماتو د ترسره کولو لپاره د پام وړ ظرفیتونه لري. د دغو اقداماتو د لا اغېزمنتیا لپاره، سیاسي همغږي، سټراټیژیک اجماع او د غړو ترمینځ ګډه اراده اړینه ده. دا موسیسه د خپلو ډیپلوماټیکو، اقتصادي، کلتوري او خلکو پر بنسټ ظرفیتونو په درلودلو سره د فلسطین د آرمان په ملاتړ او د صهیونیسټي رژیم د نیواکګرئ پر وړاندې مهم رول لوبولی شي، په دې شرط چې د غړو ترمنځ سیاسي اراده او عملي یووالی پیاوړی شي.
د اسلامي ملګرتیاموسیسه د سمبولیک اعلامیو له سطحې پورته شي او عملي، دوامداره او همغږو اقداماتو ته ورسیږي او د فلسطین د ملت د حقوقو په دفاع او د صهیونیسټي رژیم د تیریو پر وړاندې د یوه اغېزمن لوبغاړي په توګه عمل وکړي.
