دالاهو؛ د جنګي جټ ډرونونو د نوي نسل په تولید کې د ایران ستر ګام
پارس ټوډې – دالاهو د جنګي جټ بېپيلوټو الوتکو د نوي نسل په تولید کې د ایران د لوی ګام نښه بلل کېږي.
د پارس ټوډې د راپور له مخې، د «حدید–۱۱۰» په نوم ډرون چې د اسلامي انقلاب د سپاه پاسدارانو د ځمکنيو ځواکونو په جوړښت کې د «دالاهو» په نوم یادېږي، د ځانمرګي ماموریت په ترسره کولو سره، د پټېدونکو ځانګړتیاوو لرونکي پلټفورم او جټ انجن پر بنسټ جوړ شوی دی.
له دغه ډرون څخه د ۱۴۰۳ لمریز کال د سلواغې په میاشتې کې د اسلامي انقلاب له رهبر سره د ایران د دفاعي صنعت د یو شمېر ساینس پوهانو، چارواکو او متخصصانو د لیدنې پر مهال، رسماً مخکتنه وشوه.
دالاهو د جټ انجن د کارولو له امله، له ملخي ځانمرګي ډرونونو څخه لوړ سرعت لري او کولای شي په لنډ وخت کې خپل هدف ته ورسېږي.
په واقعیت کې، د جګړې په تاکتیکي ډګر کې د دښمن د دفاعي سیسټمونو د خنډ له ماتولو یوه اغېزمنه لاره، د سرعت زیاتول دي، څو د دښمن د غبرګون وخت کم شي، او دا ډرون دقیقاً د همدې ستراتېژۍ لپاره ډیزاین او تولید شوی دی.
دالاهو د الوت لپاره لوی ځای ته اړتیا نه لري، ژر ځای پر ځای کېږي، د عملیاتو ټیټ لګښت لري، او د لوړ کیفیت لرونکو کمپوزیټي پوښونو له امله، د ګڼو جبهو د پراخ استعمال لپاره مناسب دی.
دغه راز، د هوشمند بمونو، د ګولیو ضد توغندیو او سپکو مهماتو د لېږد وړتیا، دالاهو په یوه ریښتینې تهاجمي پلاټفورم بدل کړی دی.
