روحاني: نامطمئنه او د اعتماد نه وړ امريکه په خپل هيڅ يوې ژمنې پابنده نه ده
د ايران د اسلامي جمهوريت ولسمشر له برجامه د امريکې يو اړخيزې وتنې ته په اشارې سره وويل: په دغو کلونو کښې د واشنګټن د حکومت کارکردګي داسې وه چې نن امريکه په نړۍ کښې د يو داسې نامطئنه او د اعتماد نه وړ هېواد په توګه پېژندل کيږي چې په خپله هيڅ يوه ژمنه پابنده نه ده.
ډاکټر حسن روحاني نن په تهران کښې د شمالي کوريا د خارجه وزير ري يونګ هو په کتنه کښې په کوريا ټاپو وزمه کښې د پوره صلحې او امنيت ټينګښت د ايران غوښتنه وبلله او وې ويل: د کوريا ټاپو وزمې بدلونونه د تهران لپاره اهميت لرونکي دي.
ولسمشر روحاني د تهران – پيونګ يانګ دوستانه او صميمانه تعلقاتو ته په اشارې سره زياته کړه، ايران او شمالي کوريا په ډېرو نړيوالو چارو او نړيوالو ټولنو کښې ګډ نظريات لرلي او تل يې له يو بله ملاتړ کړے دے او په اوسنيو حالاتو کښې هم په نړيوالو ټولنو کښې پکار دي د تعلقاتو او روابطو په پراختيا سره دواړه دوست هېوادونه د يو بل ترڅنګه اوسي.
ري يونګ هو هم د ايران او شمالي کوريا دوستانه تعلقاتو او د مختلفو سيمه ايزو او نړيوالو مسائلو په باره کښې د دواړو هېوادونو ګډو دريځونو او نظرونو ته په اشارې سره وويل وويل: د شمالي کوريا سټراټيجک سياست د ايران له اسلامي جمهوريت سره د تعلقاتو پراختيا او له يو اړخيز پالنې سره مقابله ده.
هغه له برجامه د امريکې وتل او د ايران په خلاف د بائيکاټونو د ستنولو لپاره کوشش يو غلط او د نړيوالو اصولو په خلاف اقدام وبلۀ اود ايران د اسلامي جمهوريت ولسمشر ته په سنګاپور کښې له امريکې سره د شمال کوريا د خبرو اترو او د کوريا ټاپووزمې د بدلونونو د يو رپوټ په وړاندې کولو سره د دواړو هېوادونو د تعلقاتو پراختيا اهميت لرونکې وبلله.
د شمالي کوريا خارجه وزير ري يونګ هو چې تهران ته يې سفر کړے دے پرون د ايران له خارجه وزير محمد جواد ظريف سره هم کتنه او خبرې اترې وکړې.
