تهران له بندیزونو د تیریدو ډیره تجربه لري
د اسلامي ایران خارجه وزیر وویل: له بندیزونو تیریدل ډیر ګران دي خو تهران په دې لاره کښې ترټولو زیاته تجربه لري.
محمد جواد ظریف رویټرز خبري آژانس ته په مرکه کښې زیاته کړه: د امریکې د بندیزونو په سختیدو پسې د ایټمي وسلو د پراختیا د منعې له تړون (این، پي، ټي) څخه وتل د ایران یو انتخاب دی.
د ایران د بهرنیو چارو وزیر دې ته په اشارې سره چې ایران له بندیزونو په تیریدو کښې پي، ایچ، ډي کړې ده، وویل: په دې لاره کښې شاید هیڅ کوم هیواد، د ضرورت په وجه د ایران هومره تجربه ونه لري او هیله لرم چې د دې تجربې په کارولو او په خلکو باندې په ملا تړلو سره، په ولس باندې د دې بندیزونو دباؤ کم شي.
ښاغلي ظریف له امریکې سره د خبرواترو په هکله هم وویل چې دغه مذاکرات په سر کښې نتیجې ته ورسیدل خو په پاې کښې امریکایانو وښودله چې په خبرواترو کښې د اعتماد او باور وړ نه دي.
هغه وویل چې د ایران خلک او حکومت کوی شي چې په تیلو پورې د پیئلتیا په کمولو او د غیرتیلي عاید د اندازې، د کورني تولید او غیرتیلي صادراتو په زیاتولو سره، د امریکې له بندیزونو سره مقابله وکړي.
