د ترکیې د بهرنیو چارو وزیر اصفهان ته راغی

د ترکیې خارجه وزیر د ایران د بهرنیو چارو له وزیر سره د کتنې لپاره د ایران مرکزي ښار اصفهان ته راورسید.

د ترکیې د بهرنیو چارو وزیر مولود چاوش اوغلو د اصفهان په شهید بهشتي نړیوال هوايي ډګر کښې د اصفهان د والي او نورو سیمه ایزو چارواکو له تود هرکلي سره مخ شو.

د ایران او ترکیې د خارجه وزیرانو غونډه نن د اصفهان په تاریخي ښار کښې ترسره کیږي او دواړه لوري به په کښې د دوه اړخیزه اقتصادي ملګرتیا د پراختیا په هکله د نظر تبادله وکړي.