بي ډله د جنګ تږې ده
د ایران د بهرنیو چارو وزیر بیګا په یو ټویټ کښې ولیکل: دا چې د امریکې پوځ په فارس خلیج کښې هیڅ کار نه لري، سل په سلو کښې سمه خبره ده.
د ایران د بهرنیو چارو وزیر بیګا په یو ټویټ کښې په دې خبرې سره چې (بي ټیم) د امریکې د ګټو په فکر کښې نه دی، ولیکل چې دغه ډله د جنګ تږې ده.
محمد جواد ظریف د امریکې د ولسمشر دې څرګندونو ته هم اشاره وکړه چې وايي د دغه هیواد پوځ په فارس خلیج کښې هیڅ کار نه لري، څرګنده کړه: دا چې د امریکې پوځ په فارس خلیج کښې هیڅ کار نه لري، سل په سلو کښې سمه خبره ده.
ظریف زیاته کړه: له فارس خلیجه د امریکايي ځواکونو وتل د امریکې او نړۍ په ګټه دي.
د ویلو ده چې د امریکې ولسمشر ډونلډ ټرمپ بیګا ماښام په یو ټویټ کښې په فارس خلیج کښې د خپل هیواد په پوځي شتون نیوکه وکړه او مدعي شو چې امریکا په دغې سیمې کښې شتون ته هیڅ ضرورت نه لري.
له (بي ډلې) د ایران د خارجه وزیر اشاره په نړۍ کښې هغو څو جنګ غواړو سیاستوالانو ته ده چې د هغوي نوم یا لقب له (ب) څخه پیلیږي. په دغو کسانو کښې د صهیونیسټي رژیم وزیراعظم بنیامین نتانیاهو، سعودي ولیعهد محمد بن سلمان، د اماراتو ولیعهد محمد بن زاید او د سپینې ماڼۍ د ملي امنیت صلاح کار جان بولټن شامل دي.
