د ایران له خوا د انګلستان د تیلي کشتۍ نیول بیخي قانوني کار دی
-
فایل فوټو
شمخاني: د انګلستان د سمندري ډاکه مارۍ په اپوټه چې په جبل الطارق کښې یې د ایران د تیلو یوه جوپه په غیرقانوني توګه نیولې ده، د ایران اقدام بشپړ قانوني دی.
د ایران د ملي امنیت د عالي شورا منشي په هرمز اوبلاره کښې د انګلیسي کشتۍ نیولو ته په اشارې سره ټینګار وکړ چې د انګلستان د سمندري ډاکه مارۍ په اپوټه چې په جبل الطارق کښې یې د ایران د تیلو یوه جوپه په غیرقانوني توګه نیولې ده، د ایران اقدام بشپړ قانوني دی.
علي شمخاني پرون په تهران کښې د عمان د خارجه وزیر یوسف بن علوي په کتنه کښې په دې ټکي باندې په ټینګار سره چې په هرمز اوبلاره کښې د بریطانوي کشتۍ په نیولو کښې د ایران اقدام د سمندري اصولو او د سمندر کچ کونې د امنیت د ساتنې په لړ کښې بڼه نیولې ده، زیاته کړه: ټولو هیوادونو ته پکار دي چې د امنیت د ساتنې لپاره د سمندر کچ کونې د نړیوالو قوانینو خیال وساتي.
هغه هم داشان وویل چې د لویدیځې آسیا امنیتي ترتیبات باید د سیمې د هیوادونو له لارې برابر شي او د پردیو لاسوهنه به د ستونزو له زیاتیدو پرته هیڅ اغیزه ونه لري.
شمخاني همداشان په یمن باندې د تیري او د دغه هیواد د بیګناه خلکو د وژلې له دوامه د اندیښنې په څرګندولو سره وویل: د یمن کړکیچ پوځي حل لاره نه لري او پکار دي چې نړیواله ټولنه د یمن د خلکو د غوښتنې له مخې د سیاسي لاروچارو په کارولو سره په دغه هیواد هیواد عربستان او اماراتو د پوځي بریدونو د دوام مخه ونیسي.
په دغه کتنه کښې د عمان د بهرنیو چارو وزیر یوسف بن علوي هم په سیمه کښې د شخړې د زیاتیدو د مخنیوي لپاره د تیرو تجربو د کارولو او له هغو اقداماتو د ډډه کولو په ضرورت باندې په ټینګار سره چې د بې ثباتۍ او ناامنۍ پراختیا ته لمن وهي، وویل: ټولو هیوادونو ته پکار دي چې په تیره بیا په هرمز اوبلاره کښې د حفاظتي اصولو خیال وساتي او له هغو اقداماتو ډډه وکړي چې د کړکیچ جوړیدو سبب کیږي.
