د یمن مقاومت به پر تیري ګرو بریالی شي
د تهران د جمعې لمانځه خطیب د سعودي تیرو ګرو د ائتلاف په وړاندې د یمن د خلکو د مقاومت په ستایلو سره ټینګار وکړ چې د یمن مقاومت به پر تیري ګرو بریالی شي.
د تهران د جمعې لمانځه خطیب حجت الاسلام «کاظم صدیقی» د یمن د سویل بدلونونو او په دغې سیمې کښې د سعودي او اماراتي تیري ګرو نښتې ته په اشارې سره وویل: د یمن د ټوټې کولو دسیسه به کامیابه نه شي.
حجت الاسلام صدیقي هم داشان د کشمیر له بدلونونو د اندیښنې په ښودلو سره، په دغې سیمې کښې ښکیل لوري زغم ته راوبلل.
د تهران د جمعې لمانځه خطیب د نایجیریا د اسلامي غورځنګ د مشر شیخ ابراهیم زکزاکي د حالت په هکله هم، د هغه د درملنې د بهیر په لړ کښې د بشري حقوقو د مدعي هیوادونو په چپتیا باندې نیوکه وکړه.
حجت الاسلام صدیقي هم داشان د ایران د دفاعي پرمختګونو په اړه وویل: د ایران دفاعي پرمختګونه د اسلامي انقلاب یوه بریا ده او د ایران اسلامي جمهوریت به دا بهیر جاري وساتي.
د تهران د جمعې لمانځه خطیب د ایران په هوايي حریم کښې د امریکې د تیري ګرې جاسوسي الوتکو نسکورول هم د ایران د اسلامي جمهوریت د دفاع قدرت نښه وبلله.
