د ایران د ملت په ضد د امریکاګواښ،د اسلامی انقلاب د معظم لارښودځواب

په حشد شعبی مبارز ځواک د امریکا حمله په حقیقت کې دداعش د ناکامیو غچ اخستل وو،ځکه هغه ځواک چې داعش ترهه ګره ډلې ته ئې ماته ورکړی او له مینځه ئې وړی،دعراق همدغه الحشد الشعبی ولسی مبارز ځواک ؤ. اوس د امریکا ولسمشر او ددغه هیواد نور چارواکی هڅه کوی ایران ددغو پیښو عامل وبریښوی .

د اسلامی انقلاب معظم لارښود حضرت  آیت ا...العظمی سید علی خامنه ای، پرون  د درست ایران د زرګونو نرسانو  په ټول کې پخپلې وینا کې  د عراق په سرحدی سیمو کې د الحشد الشعبی ولسی مبارز ځواک پر مرکز د  امریکا حملې ته  په اشارې سره،په سیمې په تیره بیا په عراق کې  له امریکا د کرکې او نفرت څپه،د امریکا په جنایتونو د  ولسونو یو طبیعی غبرګون وبالۀ.

د اسلامی انقلاب معظم لارښود،همداراز د عراق د سه شنبې ورځې د پیښو اصلی عامل  په توګه د ایران په ګرم بللو او  دایران په ګواښلو کې د امریکا د ولسمشر څرګندونو ته په اشارې سره ټینګار کړی،امریکا په غلطه ده ،ځکه دا  موضوع له ایران سره هیڅ ارتباط نه لری . 

 داسلامی انقلاب معظم لارښود ددې خبرې په کولو سره چې،زه ، د ایران ملت او حکومت  دعراق دالحشد الشعبی په یوه مرکز  په حملې کې د امریکا  جنایت په سخته محکوم کوو،روښانه کړې،ټول پوهیږی اسلامی ایران په جنګ پسې نه دی،خو  له هر هغه کس سره چې  د ایران دملت ،ګټې ،مصلحت، عزت ،عظمت او پرمختګ  وګواښی،له کومې ملاحظې پرته به ورسره مقابله وکړی او غاښ ماتونکی ځواب به ورکړی . 

 الحشدالشعبی ولسی مبارز ځواک د عراق یوه هغه څانګه د ه چې  د عراق حکومت تر څارنې لاندې او د هغه د قوانینو په اساس فعالیت کوی او له داعش  تکفیری ترهه ګرې ډلې په مبارزې  او په عراق کې ئې د هغو  په ناکامولو کې  مهم رول د رلودلی دی .

 هماغه ډول چې  داسلامی انقلاب معظم لارښود  ددې موضوع په تحلیل کې   ا شاره کړې او فرمائیلی ئې دی ؛ په حشد شعبی   مبارز ځواک  د امریکا حمله  په حقیقت کې دداعش د ناکامیو غچ اخستل وو،ځکه هغه ځواک چې داعش ترهه ګره ډلې ته ئې ماته ورکړی او له مینځه ئې وړی،دعراق همدغه الحشد الشعبی ولسی مبارز ځواک ؤ. اوس د امریکا ولسمشر او ددغه هیواد نور چارواکی هڅه کوی ایران ددغو پیښو عامل وبریښوی .

په ملګروملتو کې د اسلامی ایران دایمی استازی مجید تخت روانچی هم پرون ناوخته په بغداد کې د امریکا د سفارت بندې دحملې په باب د اسلامی ایران په ضد دامریکا دتورونو لګولو په غبرګون کې،د ایران په ضد د امریکا تور لګونې د عراق له اولس کلن نیواک او ددغه هیواد د لکونو بې ګناه خلکو له وژلو څخه انحراف  بللی او وئیلی ئې دی،د واشنګټن د چارواکو او پوځ په وسیله  د عراقیانو  د وحشی ډوله  وژلو  په ضد د عراق د ولس  له غوسه کیدا څخه د پام   اړول  دی .

د  عراق  د الحشد الشعبی  ولسی مبارز ځواک په ضد دامریکا دغه جنایت د وحشی صهیونیسټی رژیم او عربستان د  خوشالولو لپاره  کړی او ښودلې ئې ده چې  دغه حمله په کومې موخې سره  پلان شوې ده .  امریکا  په دغې  لارې کې  د ایران او عراق لپاره دوې سناریوګانې  پلان کړی دی ، چې  لومړۍ ئې په عراق کې د داخلی بحران په رامینځةکولو کې د ټرمپ له  رول څخه د عمومی افکارو  غړول او د  ولسی مقاومت  دځواک کمزورتیا او  دوهمه هم  په سیمې کې د ایران دسیمه ایز رول تر پوښتنې لاندې راوستل او  په سیمې کې د ایران   نرم قدرت  یا ټیکنالوجیکی پرمختګ ته ګوزار ورکول دی .

 البته  په دغو دواړو سناریوګانو کې   د امریکا محاسبې غلطې ثابتې شوی دی .

 دایران په ضد دامریکا تور لګول په حقیقت کې   په نړۍ  کې د امریکا د رامینځةشوی  کرکیجنې څیرې  دبدلولو لپاره یو ډول هڅه ده . طبیعی خبره ده چې  له امریکا د  عراق د ولس کرکه او نفرت یو واقعیّت دی  او امریکا پرې سترګې  نشی پټولی .

 داسلامی انقلاب معظم لارښود  حضرت آیت ا... العظمی سید علی خامنه ای په همدې باب د امریکا په تیره بیا په زرګونو عراقی پوهانو او عاموخلکو په وژلو او همداراز په عراق  او افغانستان کې د بلیک واټر خبیث او جنایتکار شرکت  جنایتونو ته په اشارې سره فرمائیلی دی ؛دسیمې ځینو هیوادونو له اجازت پرته دغو  ته د امریکائی چارواکو سفر  او پخپلو پوځی مرکزونو کې ئې شتون ، د سیمې ددغو  هیوادونو اوملتونو په ضد  د امریکا د سپکو چلندونو یو بل مثال دی .

امریکا باید پوهه شی ،یو داسې بهیر ئې پیل کړی ، چې باید د ځواب په تمه ئې هم ووسی .د ډونالډټرمپ  همدغه غلطې محاسبې  لامل شوی دی چې لویدیځی خبری او ر سندوئی ټولنې هم  په دې اند دی، هغه څه چې  په سپینې ماڼۍ کې  روان دی ،بهرنی سیاست نه دی .