ایران کښې د کورونا کابو دوه نیم زره ناروغانو شفا وموندله

د ایران د روغتیا وزارت وویل چې په هیواد کښې تراوسه په کورونا ناروغۍ له اخته کسانو څخه د ۲ زره او ۳۹۴ کسانو کامیابه درملنه شوې او هغوي له روغتونونو رخصت شوې دي.

د ایران روغتیا وزارت وویل چې په هیواد کښې تراوسه په کورونا ناروغۍ له اخته کسانو څخه د ۲ زره او ۳۹۴ کسانو کامیابه درملنه شوې او هغوي له روغتونونو رخصت شوې دي.

د ایران د روغتیا وزارت د عامه اړیکو او اطلاع رسونې د مرکز مشر کیانوش جهانپور پرون د خبریالانو په ټول کښې په ټول ایران کښې په کورونا وایرس د ۷ زره او ۱۶۱ کسانو ککړیدو ته په اشارې سره وویل: په خواشینۍ سره تراسه په دغې ناروغۍ اخته ۲۳۷ تنه مړه شوې دي.

کورونا وایرس چې رسمي نوم یې کووډ-۱۹ دی، له چین څخه راټوکیدلی او اوس د نړۍ په څه باندې سلو هیوادونو کښې خپور شوی دی.