د ايران په ټولو ښارونو کښې د فلسطين بېرغونه اوچتيږي
د ايران د اسلامي جمهوريت د اسلامي تبليغاتو د غږملتيا شورا قائمقام تاکيد وکړ د قدس د نړيوالې ورځې په مناسبت به د هېواد په ټولو ښارونو کښې د فلسطين بېرغونه اورپولې شي.
زمونږ د خبريال د رپوټ له مخې نصرت الله لطفي وويل، د راروان زيارت او جمعې په ورځو د هېواد د ټولوښارونو په ټولو چوکونو، مېدانونو او د فلسطين په نامه سړکونو کښې د فلسطين بېرغونه رپول کيږي او د غاصب صهيونېسټ رژيم او امريکې بېرغونه به سوزول کيږي.
لطفي «د قدس نړيواله ورځ يوم الله» خصوصي غونډه کښې د قدس شريف د نيواک درې اويايم کال ته په اشارې سره وويل: د روژې د مبارکې مياشتې د وروستۍ جمعې د قدس نړيوالې ورځې نومول د امام خميني (رح) يو حکيمانه نوښت دے چې په دې باندې د هغوي تاکيد چې د قدس ورځ يوازې له فلسطين سره متعلق نه ده د يو ديني مرجع د ډېر زيات ژور، بشپړه او هر اړخيز نظر ښودنه کوي.
لطفي زياته کړه: د قدس شريف آزادي په راتلونکو نزديو وختونو کښې عملي شي چې د لا سترو بنيادي قدمونو د اوچتولو لپاره يوه دروازه ده.
هغه د قدس د نړيوالې ورځې په شاندارو لاريونونو کښې د ايران د خلقو د ګډون د فلسطين له مېړني ملت څخه د هغوي د ملاتړ مخينې ته په اشارې سره وويل: د کورونائي محدوديتونو په وجه د قدس د نړيوالې ورځې د لاريونونو جوړول او مېداني حرکت امکان نشته خو د دغې
ورځې د نمانځنې لپاره به مختلف سېمبولک پروګرامونه جوړيږي.
نصرت الله لطفي تاکيد وکړ، ايرانيانو هيڅکله د قدس شريف قبضه نه ده زغملې او نه ده منلې او د ضرورت وړ هر امکان سره به د فلسطيني ملت له انتفاضې ملاتړ کوي.
