د عراق د مقاومت ډرون الوتکو د اسرائیلو په پوستو بریدونه کړي
Mar 09, 2024 05:13 Asia/Kabul
د عراق د اسلامي مقاومت ډلو د جمعې په شپه د سوریې د جولان په اشغالي سیمه باندې د صهیونیسټي رژیم په پوځي مرکزونو باندې د بې پیلوټه الوتکو بریدونه کړي.
د ایرنا د خبر له مخې، د عراق د اسلامي مقاومت غورځنګ خبر ورکړی چې د غزې د خلکو په خلاف د صهیونیسټی رژیم د جنایتونو په غبرګون کې یې د پنجشنبې په ورځ د نیواک په ګولان کې د صهیونیسټ رژیم د استخباراتو لومړی نمبر مرکز د بې پیلوټه الوتکو په وسیله په نښه کړ.
د عراق د اسلامي مقاومت ډلې د فلسطین د مقاومت په ملاتړ او په غزې تړانګې کې د صهیونیسټ رژیم له جنایتونو د امریکا د هر اړخیز ملاتړ په غندلو سره په ځلونو په عراق او سوریې کې د امریکا په پوځي اډو او په نیواک شویو سیمو کې هدفونه د ډرون او توغندیو په بریدونو سره په نښه کړي دي.
