د پاکستان سیاستوال محسن داوړ خارج ته پرې نه ښودل شو
زمونږ خبریال وايي د پاکستان له شمالي وزیرستان سیمې څخه د پارلمان غړي محسن داوړ نن تور ولګاوه چې په اسلام اباد هوايي ډګر کښې د فیډرال جاسوسۍ ادارې ایف ايي ای (FIA) زه تاجیکستان ته سفر ته پرې نه ښودم چې په امنیتي کانفرنس کښې ګډون وکړم.
د پاکستان د پشتون تحفظ غورځنګ یوه مشر او د پارلمان غړي محسن داوړ د ایف ايي ای استخباراتي ادارې دغه کار وغنده چې دې یې تاجیکستان ته تلو ته پرې ښوده.
هغه وویل د پاکستان فیډرال کابینې تر دوو میاشتو پورې خارج ته په تلو د بندیز د فهرست له کسانو څخه زما نوم لیری کړی دی.
د پاکستان د ملي ډیموکراټیک غورځنګ مشر محسن داوړ ته مخکې په سویزرلینډ کښې په یوه کانفرنس کښې د ګډون کولو اجازه ورکړل شوي وه خو نن تاجیکستان ته سفر ته پرې نه ښودل شو.
د ویلو ده چې د هرات د لسم خبرو اترو کانفرنس د تاجیکستان په دوشنبې ښار کښې ترسره کیږي.
دغه کانفرنس د افغان سټراټيژیکو مطالعاتو د انسټي ټیویټ لخوا ترسره کیږي.
