په اسلام آباد کې د افغانستان سفير د پاکستاني علماوو او مشایخو د اړیکو شورا له مشرانو سره وکتل

په اسلام آباد کې د افغانستان د سفارت سرپرست مولوي سردار احمد شکیب پرون د خواجه معین الدین محبوب کوریجه په مشرۍ د پاکستان د علماوو او مشایخو د اړیکو شورا له مرکزي او ایالتي مشرانو سره د سفارت په مقر کې وکتل.

‏د باختر خبري آژانس د خبر له مخې، نوموړي په دغه کتنه کې په تېرو دوو کلنو کې د طالبانو د لاسته راوړنو ترڅنګ، د پاکستان او افغانستان د تاریخي، مذهبي او کلتوري اړیکو په اړه تفصیلي خبرې وکړې.

نوموړي همداراز ټینګار وکړ، چې په سیمه کې ثبات، ګاوڼدیو هېوادونو او له نړۍ سره رغنده اړیکې د طالبانو له لومړیتوبونو څخه دي.