کویټه کې اورګاډي سټیشن کې چاودنې ۷۲ کسانو ته مرګ ژوبله اړولې

د پاکستان د بلوچستان ایالات په کویټې ښار کې نن سهار د اورګاډې سټیشن کې د چاودنې له امله ۲۶ تنه وژل شوي او پنځوس نور ټپیان دي.

د یاد هېواد رسنیو د سیمه ییزو مسؤلینو له له قوله لیکلي: چاودنه د ځانمرګي بریدګر په وسیله اټکل شوې او په قربانیانو کې ماشومان او میرمنې چې د اورګاډي ټیکټونو اخیستو لپاره ولاړو، هم شامل دي.

تر اوسه د دغه پېښې د رامنځته کېدو دقیق نوعیت ندی معلوم او دغه راز یې مسؤلیت هم کومې ډلې پر غاړه ندی اخیستی.