پاکستان او افغانستان په سمدستي اوربند موافقه وکړه
دواړو هیوادونو په راتلونکو څو ورځو کې د نورو غونډو په ترسره کولو او د سولې او ثبات لپاره د دایمي میکانیزم په جوړولو هم موافقه وکړه.
پاکستان او افغانستان په فوري اوربند موافقه کړې ده، د قطر د بهرنیو چارو وزارت اوربند تایید کړی دی.
د قطر د بهرنیو چارو وزارت وايي چې د اوربند پریکړه په دوحه کې د خبرو اترو په بهیرکې وشوه. د اوربند موافقه د قطر او ترکیې په منځګړیتوب وشوه.
دواړو هیوادونو په راتلونکو څو ورځو کې د نورو غونډو په ترسره کولو او د سولې او ثبات لپاره د دایمي میکانیزم په جوړولو هم موافقه وکړه.
د قطر د بهرنیو چارو وزارت په وینا، د دواړو هیوادونو ترمنځ اوربند به په سیمه کې د تلپاتې سولې د رامینځته کولو لپاره یو قوي بنسټ چمتو کړي. هیله ده چې اوربند به د دواړو هیوادونو ترمنځ سرحدي تاوتریخوالی پای ته ورسوي.
د یادونې وړ ده چې د قطر د استخباراتو د مشر عبدالله بن محمد الخلیفه په کوربه توب د خبرو اترو لومړی پړاو په دوحه کې ترسره شو، چې پکې د پاکستان د پلاوي مشري د دفاع وزیر خواجه اصف کوله. امنیتي چارواکو هم د دفاع وزیر سره مرسته وکړه.
د افغان پلاوي مشري د دفاع وزیر ملا محمد یعقوب کوله، او په افغان پلاوي کې د هغه د استخباراتو مشر عبدالحق وثیق هم شامل دی.
دپاکستان دفاع وزیر خواجه اصف د پاکستان او افغانستان ترمنځ د اوربند تړون تایید کړی او ویلي یې دي چې دواړه ګاونډي هیوادونه به د یو بل خاورې ته درناوی وکړي.
د اوربند له تړون وروسته خواجه اصف وویل چې د پاکستان او افغانستان ترمنځ د اوربند تړون شوی دی.
ده وویل چې پلاوي به د اکتوبر په ۲۵مه بیا په استانبول کې سره وویني .
خواجه اصف زیاته کړه چې د پاکستان په خاوره کې به له افغانستان څخه د ترهګرۍ لړۍ سمدلاسه ودریږي. دواړه ګاونډي هیوادونه به د یوه بل خاورې ته درناوی وکړي.
