د هند حکومت کشمیر ته د امریکایی پلاوی د تګ مخه ونیوله
امریکایی سینټرانو کرس وان هولن ، میګی حسن او پال جونز د هند تر کنټرول لاندې په کشمیر کی د بشری حقوقو د خلاف ورزیو په اړه سخته اندیښنه څرګنده کړه او له هندوستانه یې وغوښتل چی په کشمیر کی دې سملاسی ګرځبندیز ختم او نیول شوی کسان خوشی کړل .
د پاکستان د جنګ ورځپاڼۍ له راپور سره سم د امریکا د کانګرس پلاوی د ازاد کشمیر له ولسمشر او لومړی وزیر سره کتنه او خبرې اترې وکړی .
د پاکستان د خارجه وزارت د ویندوی په وینا میجر جنرل عامر د امریکا د کانګرس پلاوی ته د کشمیر د وضعیت په اړه معلومات ورکړل او امریکایی پلاوی ته اجازت وو چی هغه د پاکستان تر کنټرول لاندې په کشمیر کی هر ځای ته لاړ شی خو د هندوستان مودی حکومت دغه امریکایی پلاوی ته د هند تر کنټرول لاندې د کشمیر سیمې ته د ورتلو اجازت ورنکړ .
امریکایی سینټرانو کرس وان هولن ، میګی حسن او پال جونز د هند تر کنټرول لاندې په کشمیر کی د بشری حقوقو د خلاف ورزیو په اړه سخته اندیښنه څرګنده کړه او له هندوستانه یې وغوښتل چی په کشمیر کی دې سملاسی ګرځبندیز ختم او نیول شوی کسان خوشی کړل .
امریکایی پلاوی دا هم وویل چی دکشمیر د مسلې د اواری لپاره باید هلې ځلې وشی .
په کشمیر کی ګرځبندیز په دریمه میاشت کی داخل شوی او خلک له ډیرو مشکلاتو او ستونزو سره مخامخ دی . د هند دولت حتی د زړه ناروغانو ته هم د درملنې لپاره د وتلو اجازه نه ورکوی .
