پاکستان له بریطانیا څخه د نواز شریف د ورستنولو غوښتنه وکړه
د پاکستان حکومت د نواز شریف د زندان د سزا د تیرولو په موخه له بریطانیا څخه د پخواني وزیراعظم نواز شریف د سمدستي ورستنولو غوښتنه کړې ده.
ایرنا خبري آژانس خبر ورکړی چې د پاکستان حکومت نن وویل چې پر نواز شریف سربیره د هغه ورور شهباز شریف هم چې په قومي اسمبلۍ کښې د اپوزیشن مشر دی، پاکستان ته ورستون کړي.
د اطلاع رسونې په چارو کښې د پاکستان د وزیراعظم عمران خان ځانګړې استازې میرمن فردوس عاشق اعوان خبریالانو ته ویول چې دغه هیواد به په نزدې راتلونکي کښې پاکستان ته د پخواني وزیراعظم نواز شریف او د هغه د ورور شهباز شریف د ورستنولو لپاره له بریطانیايي چارواکو سره مکاتبه وکړي.
د پاکستان سترې محکمې نواز شریف د ۲۰۱۷ کال په جنورۍ میاشت کښې د مالي فساد په تور د وزیراعظمۍ له څوکۍ عزل کړ.
نواز شریف نن سبا د ناروغۍ د درملنۍ په پلمه په لندن کښې دی او ورور یې شهباز شریف هم چې د مسلم لیګ نواز ګوند مشر دی، په بریطانیا کښې دی.
