د پاکستان حکومت له کرونا سره د مقابلې لپاره حمایتي پیکیج ورکوي

د پاکستان حکومت له کرونا وایرس سره د مقابلې لپاره د ۱۲۰۰ میلیارډ روپیو (تقریباً اووه نیم میلیارډ امریکايي ډالرو) د بیلولو خبر ورکړ.

له اسلام آباده زمونږ خبریال رپورټ راکړی چې د پاکستان د مالیې وزارت پرون د یوې خبرپاڼې په خپرولو سره وویل: حکومت د خلکو د معیشتي ستونزو د کمولو او د پاکستان په اقتصاد باندې د کرونا له منفي اغیزو سره د مقابلې لپاره د ۱۲۰۰ میلیارډ روپیو په ارزښت یو حمایتي پیکیج ټاکلی دی.

پاکستاني سرجینو په دې خبرې سره چې دا اقتصادي پيکیج د دغه هیواد په تاریخ کښې ترټولو ستر ملاتړیز پیکیج ګڼل کیږي، وویل: له دغه بجټ څخه ۱۹۰ میلیارډ روپۍ په کړکیچنو حالاتو په تیره بیا له کرونا سره د مقابلې لپاره ځانګړې شوې دي.

پاکستان کښې تر پرونه پورۍ په کرونا د ککړو ناروغانو شمیر ۱۱۱۸ تنو ته رسیدلی چې اته کسانو په کښې خپل ژوند بایللی دی.