د امریکا محصلې د امتحان په وخت بچی وزیږوه

زمونږ خبریال وايي په امریکا کښې د قانون د امتحان محصلې چې امیندواره وه په اینټرنیټ باندې د امتحان د ورکولو په وخت یو(۱) صحت مند بچی زیږولی دی .

د امریکا په ایلینوای ایالت کښې د لویولا شیکاګو پوهنتون د قانون د څانګې محصلې امیندوارې میرمنې برینانا هیل وویل ما ته دغه پته وه چې زه کله امتحان ورکوم نو امیندواره به وم خو دا راته پته  نه وه چې د امتحان د ورکولو په وخت به بچی وزیږوم .

هغې وویل زما امتحان په ټاکلي وخت کیدونکی و خو د کورونا وژونکي ناروغۍ په خاطر دغه امتحان په ځنډ سره وشو او زه د اته دیرشو (۳۸) اونیو بلاربه شوي وم او ځکه خو مې د امتخان په وخت کښې چې وخت یې نوي (۹۰) دقیقې و بچی وزیږوه .