د بحرین ال خلیفه رژیم کابو څلویښت جوماتونه ړنګ کړي
اللولوه ټیلي ويژن راپور ورکړ د بحرین ال خلیفه رژیم په دوه زره یولسم (۲۰۱۱) میلادي کال کښې د خلکو له انقلاب وروسته په هیواد کښې د شیعه مسلمانانو کابو څلویښت (۴۰) جوماتونه ړنګ کړي دي .
د بحرین ال خلیفه دیکتاتور رژیم له دوه زره یولسم (۲۰۱۱) میلادي کال څخه د خلکو د پاڅون د ځپلو لپاره په هیواد کښې د شیعه مسلمانانو کابو څلویښت (۴۰) جوماتونه ړنګ کړي دي تر دې چې دغه رژیم د جوماتونو د ړنګونو په حکومت مشهور شوی دی .
په دغه راپور کښې ویل شوي دي د شیخ امیر محمد البریغي جومات په هغو جوماتونو کښې شامل دی چې څه د پاسه څلورسوه پنځوس (۴۵۰) کاله لرغونوالی لري .
د بحرین د حقیقت موندنې د کمیټۍ مشر محمد شریف بسیوني هم د ال خلیفه رژیم د جنایتونو په هکله په دې موضوع اعتراف کړی دی .
د بحرین ال خلیفه رژیم له تیرو دولسو(۱۲) کلونو راهسې د خلکو ځپلو ته دوام ورکړی او هلته د مذهب او د بیان هیڅ ازادي نشته .
د بحرین خلک د دیکتاتور حکومت د ختمیدا او د ازادو انتخاباتو له لارې د یوه خپلواکه حکومت د جوړولو غوښتنه کوي .
