د روان ۲۰۲۳ کال له پیل راهیسې ۸۴ فلسطینیان شهیدان شوي

صهیونیستي ځواکونو د روان میلادي کال له پیله تراوسه په تيرو ۷۲ ورځو کې په لسګونه فلسطینیان شهیدان کړي دي.

د مهر خبري آژانس د راپور له مخې، د روان کال له پیله تر اوسه د صهیونیستي نیواکګرو ځواکونو بریدونو له امله، د لویدیځې غاړې او د بیت المقدس په مختلفو سیمو کې ۸۴ فلسطینیان شهیدان شوي دي.

د دغه راپور له مخې په شهیدانو کې تر ۱۵ زیات یې ښځې او ماشومان دي.

په دې ترڅ کې په سلگونه نور فلسطینیان هم د اسرائیلي عسکرو په ډزو ټپیان شوي دي.

د فلسطین د ملت پروړاندې د صهیونیستي رژیم په وروستي جنایت کې، دیکشنبې په سهار د نابلس په لوېدیځ کې د صهیونیستي نیواکګرو عسکرو ډزو له امله درې فلسطینیان شهیدان شول .