سختو چاودنو د سعودي عربستان پلازمینه ریاض ولړزوله

رسنیو د سعودي عربستان په پلازمینې ریاض کښې د سختو چاودنو د رامینځته کیدا خبر ورکړ.

ایرنا خبري اژانس د عربو رسنیو په قول وویل څو سختې چاودنې چې ویل کیږي د یمن د وسله والو ځواکونو د توغندوي او د بې پایلوټه الوتکو د حملو په وجه دي د عربستان په پلازمینې ریاض کښې اوریدل شوې دي.

د عربو رسنیو د راپور پراساس له دغو حملو وروسته د عربستان د ریاض هوايي ډګر فعالیت بند شوی دی.

د سعودي عربستان او د یمن رسنیو تراوسه په دې هکله کوم خبر نه دی خپور کړی.

سعودي عربستان هم له تیرو څو ورځو راهسې د یمن د بې ګناه خلکو پرضد بریدونو ته دوام ورکړی او له کبله یې ګڼ شمیر عادي ملکي وګړي وژل شوي دي.

سعودي عربستان د یمن له حکومتي عسکرو سره د مقابلې لپاره له امریکا، اسرائیلو او نورو ډیرو هیوادونو د مرستې غوښتنه کړې ده.