د څلورو بایکاټونکو هیوادونو نوی لسټ به کړکیچ لا سخت کړي
Jul 29, 2017 02:52 Asia/Kabul
قطر د خبرواترو او مذاکرې هرکلی کوي خو په دې شرط چې وړومبی د څلورو هیوادونو غیرقانوني بندیز ختم شي.
د قطر د دولتي ارتباطاتو د دفتر مدیر وايي، څلورو بایکاټ کونکو عربو هیوادونو پر کسانو او ارګانونو د بندیز د نوي لسټ په خپرولو سره د کړکیچ هواری لاسخت کړ.
مهر خبري آژانس خبر ورکړی چې د قطر د حکومتي اړیکو د دفتر مدیر سیف بن احمد آل ثاني وویل: قطر د خبرواترو او مذاکرې هرکلی کوي خو په دې شرط چې وړومبی د څلورو هیوادونو غیرقانوني بندیز ختم شي.
په دې تړاو بل خبر دا چې د قطر د بایکاټونکو څلورو عرب هیوادونو خارجه وزیران نن د بحرین په پلازمینه منامه کښې یوه غونډه ترسره کوي.
عربستان، اماراتو، بحرین او مصر د جون له پنځمې نیټې څخه له قطر سره خپلې اړیکې غوڅې کړې دي.
ټیګونه
