ّپه خان يونس کښې دوه نور فلسطينيان شهيدان شول
د صهيونېسټ رژيم فوځيانو د خان يونس په پوله ايزه تړانګه کښې د فلسطيني ځوانانو لوري ته په ډزو سره دوه فلسطيني ځوانانو شهيدان کړل.
د فارس خبري اژانس د رپوټ له مخې د غزې په تړانګه کښې هم د صهيونېسټانو په حمله څو نور فلسطينيان ژوبل شول.
له نيواکي زمکو سره دغزې د تړانګې پوله په دې وروستيو هفتو کښې له سخت تاوتريخوالي سره مخامخ ده، د غزې د تړانګې فلسطينيانو د مارچ له دېرشمې نېټې راهسې چې د زمکې له ورځې سره يې سمون خوړۀ د ستنېدو حق نومې صلح ايز لاريونونه شروع کړل او له نيواکي فلسطين سره د غزې د تړانګې په پوله کښې راغونډ شول.
په دغو لاريونونو کښې تر اوسه د نړيوالو او سيمه ايزو ادارو د نااهلۍ په سيوري کښې له پنځوسو زيات فلسطينيان د اسرائيلي فوځيانو په ډزو سره شهيدان شوي او تقريباً اته زره نور ژوبل شوي دي.
بېګا هم د غزې د تړانګې په مرکز کښې د يوې سختې چاودنې له کبله د حماس د فوځي څانګې د قسام کنډکونو شپږ غړي په شهادت ورسېدل.
د قسام کنډکونو د يوې بيانيې په صادرولو سره وويل، د مقاومت جنګياليو پرون په يو لړ عملياتو کښې د اسرائيلو يو ستر جاسوسي نېټ ورک کشف او شند کړ.
