په تیرو شپږو میاشتو کښې ۱۶ فلسطیني ماشومان شهیدان شوې دي
Jul 10, 2019 12:13 Asia/Kabul
صهیونیسټو پوځیانو په روان میلادي کال کښې تراوسه ۱۶ فلسطیني ماشومان شهیدان کړي او ۱۲۰۰ یې زخمي کړې دي.
میزان نومې د بشري حقوقو مرکز په یو رپورټ کښې ویلې دي چې د روان ۲۰۱۹ کال په وړومبۍ نیمايي کښې د غزې په تړانګه کښې ۱۶ فلسطیني ماشومان د اسرائیلي پوځیانو د ډزو له امله شهیدان شوې دي.
د میزان په نامه د بشري حقوقو د مرکز د رپورټ له مخې، په تیرو شپږو میاشتو کښې د دغو شپاړسو ماشومانو پر شهادت سربیره څه باندې ۱ زر او ۲۰۰ نور ماشومان هم د صهیونیسټو پوځیانو په ډزو کښې زخمي شوې دي.
اسرائیلي پوځیانو په دغې مودې کښې ۱۷ تنه فلسطیني ماشومان نیولي او زنداني کړې دي.
ټیګونه
